श्री एस. व्ही . आर . श्रीनिवास हे भारतीय प्रशासकीय सेवा सन १९९१ च्या तुकडीतील अधिकारी असून त्यांना २० वर्षाहून अधिककाळ भारतीय प्रशासकीय सेवेशी संबंधित नगर संरचना , शहरी वाहतूक , मेट्रो रेल्वे आणि नगर नियोजन या विभागांचा अनुभव आहे. त्यांनी बृहन्मुंबई महानगरपालिका (BMC) , मुंबई महानगर प्रदेश विकास प्राधिकरण ( MMRDA) आणि महाराष्ट्र राज्य रस्ते विकास महामंडळ (MSRDC) यांमध्ये वरिष्ठ नेतृत्वाची पदे भूषविली आहेत. सध्या श्री श्रीनिवास हे जगातील सर्वात मोठ्या नागरी नवनिर्माण योजना - धारावी पुनर्विकास प्रकल्पाचे मुख्य कार्यकारी अधिकारी तथा विशेष कार्य अधिकारी आहेत. तसेच त्यांनी बेस्ट उपक्रमाच्या महाव्यवस्थापक पदाचा अतिरिक्त कार्यभार दिनांक ०६ फेब्रुवारी २०२५ रोजी स्वीकारला आहे.

श्री श्रीनिवास यांनी नगर नियोजन आणि शहरी गृहनिर्माण ( नूतनीकरण ) , वित्त , शहरी पायाभूत प्रकल्प , संरचना , नियोजन आणि अंमलबजावणी यासारख्या महत्वाच्या पायाभूत विभागांमध्ये सर्वोच्च पदे भूषवली असून मेगा गृहनिर्माण प्रकल्प उभारणीमध्ये मोलाचा हातभार लावला आहे. तसेच लाखों लोकांचा दैनंदिन वापर असणाऱ्या प्रकल्पामध्ये आंतरराष्ट्रीय निधी संस्था आणि जागतिक कार्पोरेटस संस्था यांच्यासारख्या बहुभागधारक ( Multistakeholder) संस्थांकडून गुंतवणुकीचे यशस्वीरित्या आयोजन केलेले आहे.

श्री श्रीनिवास यांनी खालील महत्वाच्या प्रकल्पामध्ये महत्वाची भूमिका बजावली आहे.

• मेट्रो रेल्वे प्रकल्प
• मुंबई ट्रान्स हार्बर सी लिंक (MTHL) भारतातील सर्वात लांब सागरी सेतु
• शहरी पाणी पुरवठा प्रकल्प बोगदे आणि उन्नत रस्ते
• नगर नियोजन
• मुंबई आणि इतर शहरांतील परवडणारी गृहसंकुले
• गृहनिर्माण धोरण
• धारावी पुनर्विकास प्रकल्प