परिवहन

परिवहन विभागाकडून प्रवाशांकरिता सार्वजनिक वाहतूक सेवा पुरविण्यात येते. म्हणजे, बसगाड्यांचे प्रवर्तन बृहन्मुंबई महानगरपालिका, नवी मुंबई मिरारोड/भाईदर आणि ठाणे क्षेत्रापर्यंत करण्यात येते.

विद्युत पुरवठा

बेस्ट उपक्रमाच्या विद्युत पुरवठा विभागाकडून मुंबई शहराच्या क्षेत्रामधील वीजग्राहकांना विद्युत वितरणाचे काम पार पाडण्यात येते.

बसमार्ग जालव्यूह

बेस्ट उपक्रमाकडून बृहन्मुंबई महानगरपालिकेच्या हद्दीमध्ये आणि तसेच नवी मुंबई, ठाणे आणि मिरारोड/भाईदर क्षेत्रामध्ये बस परिवहन सेवा पुरविण्यात येते. ३८०० पर्यावरणस्नेही बसगाड्यांच्या मदतीने ५०५ बसमार्गावर प्रवर्तन करुन ६३,७०० फे-यांमार्फत दैनंदिन सरासरी २.९ दशलक्ष प्रवासी प्रवास करतात. सदर बसगाड्यांचे प्रति दिन अदमासे ६.४२ लाख कि.मी. अंतर प्रवर्तित होते. सदर संपूर्ण प्रवर्तन २७ बसआगार, ५१ बसस्थानके आणि ११२ गंतव्यस्थानक/ चौकीमार्फत करण्यात येते.